Mara paap, tumepata mtoto wetu wa kiume!

 

Baada ya kushindwa kutimiza ahadi yake aliyoahidi kwamba ndani ya miezi michache angempachika mimba Wema Sepetu, Whozu ameposti picha hiyo akiwa na mrembo huyo kisha kuandika ujumbe ambao unaonyesha ni kiasi gani hata yeye amekata tamaa sasa anasubiri kudra za Mwenyezi Mungu.

Kupitia ukurasa wake wa Instagram Whozu ameandika; "Mara paap tumepata mtoto wetu wa kiume! Unahisi atafanana na nani hapa?? Inshaallah," amesema Whozu.

Ikumbukwe kuwa wiki chache zilizopita, kuna picha ya Wema ambayo ilisambaa ikimwonyesha kuwa mjamzito jambo ambalo alilikanusha lakini akamshukuru aliyetengeneza picha hiyo akisema huenda siku moja anaweza kupata mtoto.

Kwa miaka mingi, wema amekuwa na kilio kikubwa kutokana na kukosa mtoto kwa miaka yote tangu awe mtu mzima na aanze mapenzi akipita na wanaume tofauti.